|
|
 
| |  |  | Dedicato al Gigi Lamera .. come promesso
Commenta Vedi tutti gli argomenti
Còrrier, tram e Reclam...
(di Marcellino Restelli)
L'Azienda tramviaria la gh'ha el bilanc deficitari
inscì, per sanal, hann fa foura i beglietari.
Se gh'è fudess minga tanti pòrtoòghes
la podaria risparmià su di alter spes.
Ultimament, per cercà de guadagnà,
vernisen còrrier e tram con la pubblicità,
tra scrittur e còlor, porca galera,
par de vedè i carrozzòn de la fera.
El tram ch'el va al "Monumental"
el fa la reclam "dell'acqua mineral"
quel che passa in Via "Certosa"
el fa la reclam de la "gassosa"
La còrriera che la và a "Bagg"
la fà la reclam del "salam e formagg"
quela che la và a "Ronchett"
la fà la reclam di "rubinett"
El tram ch'el và in piazza "Tirana"
el "brusa i tapp" senza la fiamma
quel ch'el và a "Villapizzòn"
el fa la reclam del "panattòn"
La còrriera che và in piazza "Argentina"
la fa la reclam della "benzina"
quella che la và a "Precott"
la fà la reclam del "giambòn cott"
El tram ch'el và in Via "Rugabella"
el fa la reclam de la "camamella"
quel ch'el và in via "Espinass"
el fa la reclam "di vestii per quei grass"
Come se poo vedè, per via di sti reclam,
se fadiga a ricònòss còrier e tram
inscì alla fermada, se vedd certi vegett
che quand arriva el tram resten lì come interdett,
Savii se gh'è sucess a òn mè amis,
che per la verità l'è un poo tòbis,
a furia de spettà el tram aranciòn
l'è restaa lì mezza giòrnada me òn còjon.
Pietro GANDINI
| |  |  | |
|
|
